第四天

我係屋企過咗第一個晚上。爸爸話我好乖因為我淨係醒咗兩次食奶一啲都冇扭計。

我就話爸爸媽媽佢地好叻至真。因為佢地可以自己照顧我，一啲都唔駛婆婆幫手，我俾佢地 100 分。

今朝爸爸幫媽媽餵完奶後，佢就出咗去大使館幫我辦領護照。因為佢唔想我非法居留，做個無証兒童。

跟住我同爸爸有第二次親蜜接觸，冇錯喇

，又係沖凉嘅時間！我知道爸爸雖然好驚，因為佢怕唔小心整到我，但係佢都堅持要親手幫我沖第一次凉，因為我係佢嘅寶貝女。幸得婆婆幫手及指導，爸爸終於幫我沖完涼。然後就好"豬服"咁瞓晏覺。

今晚食完飯之後我同爺爺嫲嫲同叔叔玩視象會議。佢地見到我都不之幾開心仲話我同爸爸好似樣

爸爸雖然勇於嘗試，但係都會搞錯。好似佢唔識用支探熱針，幫我量錯體温搞到媽媽以為我發燒，鬼死咁擔心我，好在只係虛驚一場。

最後，等我話俾你地聽我今日的志願，冇錯，就係交通警。 Bye bye。