第七天

今朝早，爸爸陪我飲完"早餐"就返工。

今日係出世後第一次同爸爸分別，我真係好唔捨得佢；我知如果我喊，爸爸會更加唔捨得我，所以我忍住眼淚，冇喊......

爸爸，你比心機返工，我會乖乖等你返嚟。

中午時，去醫院見靚仔兒科醫生做第一次檢查。我重咗0.08kg，現時2.6kg(5.72磅)，因為收咗少少水，遲Ｄ會長多Ｄ肉。

醫生話我出世一星期嚟講，我係一個好活潑嘅ＢＢ，成日郁手郁腳。整體好健康，只係少少面黃；可能因為媽媽食咗姜，所以以後唔可以食。不過驗血冇事，唔駛擔心，一個月後再見靚仔醫生。

等咗一日，爸爸七點幾返到屋企。佢仲同埋大表舅父一齊返嚟，我真係好開心。

大表舅父係全國泰最覩仔嘅空中少爺。佢見我勁開心，不停kiss kiss 我，又聞我話我好香。

佢咁啱飛新加坡，就上嚟屋企"黐餐"。

快樂嘅時間過得特別快，又係時候講拜拜。Bye bye，大表舅父，下次見！