第三天

我今日可以出院喇！


今朝早靚仔醫生係 BB 房睇完我之後，將我推返媽媽間房，話俾爸爸媽媽聽我好健康。

然後我同爸爸係房到談心，媽媽就去咗做按摩，因為護士姊姊話咁做對餵人奶有幫助。媽媽做完按摩後，我地係醫院食埋個 lunch，然後就起程返屋企。

第一次返到屋企，好開心.爸爸同媽媽仲特登帶我遊遍全屋，介紹屋企每一個角落俾我認識。

然後媽媽放我去我將私家床仔上面。床仔係爺爺嫲嫲送俾我嘅禮物，上面仲鋪咗嫲嫲親手車俾我嘅床單，真係好靚。






到咗黃昏，爸爸同我有第一次親密接觸，冇錯，又係時候換尿片喇！ 雖然呢次係爸爸第一次幫人換尿片，手腳都比較生硬同埋唔係好協調，但好在有經驗老到嘅婆婆在旁監督同指導，爸爸總算成功完成任務。


臨瞓前，婆婆將一封利是放咗係我床頭，然後我就好乖咁去瞓。